Bibliotekprisen for Møre og Romsdal
Statuttar
Vedtatt av årsmøtet 2. mars 2023
§ 1 Om bibliotekprisen
Bibliotekprisen blir delt ut av Norsk bibliotekforening Møre og Romsdal. Prisen har ein verdi på kr 5 000 og er ein kunstgjenstand.
§ 2 Tildelingsvilkår
Prisen blir tildelt ein person, institusjon eller organisasjon som i dei seinare åra har tatt i bruk nye idear, utmerka seg gjennom gode og effektive samarbeid i bibliotekfeltet, eller ved framtidsretta, utradisjonelle og offensive tiltak innan kunnskapsformidling og kulturelle opplevingar, marknadsføring, inkludering og tilgjenge, god sørvis eller god ressursutnytting.
§ 3 Jury
Styret i Norsk Bibliotekforening Møre og Romsdal er jury og blir leia av styreleiar. Juryen kan kan supplere seg sjølve viss naudsynt. Juryleiaren kan røyste dobbelt dersom juryen er delt i vurderinga. Juryen skal vurdere alle nominerte ut frå § 2 i statuttane. Juryens behandling er konfidensiell og avgjersla kan ikkje bli overprøvd. Juryen vel tre–fem finalistar viss mogleg og kårer ein vinnar.
Viss ein jurymedlem sjølv blir nominert eller jurymedlemens eigen institusjon eller organisasjon blir nominert, skal vedkomande tre ut av juryen og ein annan jurymedlem bli peikt ut.
§ 4 Forslagsrett
Alle medlem, bibliotek og bibliotekbrukarar i Møre og Romsdal har forslagsrett.
§ 5 Annonsering
Styret i Norsk bibliotekforening Møre og Romsdal skal annonsere forslagsfrist minst to – 2 – månader før utdeling, annonsere dei tre–fem finalistane og til slutt vinnaren på ein slik måte at prisvinnar og andre nominerte får mest mogleg merksemd.
§ 6 Utlysing
Bibliotekprisen blir lyst ut i partalsår, med moglegheit for at han ikkje blir delt ut. Juryen kan avgjere å la vere å dele ut prisen, men ikkje ved meir enn eitt partalsår.
***
Desse statuttane bygger på statuttar for årets bibliotek og statuttar for Norsk bibliotekforenings pris utdelt av Norsk bibliotekforening.
Tidlegare vinnarar
2018 Bjørg Moltu
2015 Ellen K. Molvær
2012 Bokbåten Epos
2009 Lise Bull
2008 Haram folkebibliotek
2007 Eivind Hasle
2006 Anne Hustad
2005 Kristiansund folkebibliotek
2004 Grete Thingnær
2003 Sula bibliotek
2003 Aud Folkestad